தீவிரவாதிகள்

துப்பாக்கி குண்டுகளை
ஏழைகளுக்கு மட்டும்
இலவசமாக அழிக்கும்
இவர்கள் யார்
கொடைவள்ளல்களா ?
அரசியல்வாதிகளா?

அண்ணன்

தந்தையாய் பாதுகாவலனாய்
நண்பனாய் வழிகாட்டியாய்
இறைவன் அனுப்பிய
புதையல் நீ
அதனால் தைரியமாய்
எடுத்து வைக்கிறேன் என் வாழ்க்கை பாதையில்
ஒவ்வொரு அடியையும்
கடக்கிறேன் ஒவ்வொரு தடையையும்
உன் துணையுடன்

என் தங்கை

நான் வாழ்ந்த கருவறையில் உயிர் பெற்ற என் ஜீவன்
அக்கா அக்கா என்று என்னை சுற்றி ரீங்காரமிடும் சிங்காரம்
கைகளை பிடித்து கொண்டு பள்ளி வந்த பட்டாம்பூச்சி
முத்தம் கொடுத்து கன்னங்களை ஈரமாக்கிய என் முதல் குழந்தை
உடல்நலம் சரி இல்லாத காலத்தில் தாயாகும் என் கண்மணி
ஒரு நாள் கூட என்னை பிரியாத என் ஜீவனே
நீ அங்கே நான் இங்கே
வெறும் காற்றின் வழியே நம் உரையாடல்
மொட்டை மாடி நிலவின் அடியில் நீ என் மடியில்
நீ பாடிய பாடல்கள்
நான் சொன்ன கதைகள்
அன்னை ஊட்டிய சாதம்
என எல்லாமே நினைவுகளில் மட்டும்
எப்போது கிடைக்கும் நாம் இருவர் சேர்ந்து இருந்த வசந்த காலம்
யாருக்கு முதலில் தலை கட்ட வேண்டும் என்று அன்னையிடம்
சண்டை போட்ட பரபரப்பான அதிகாலை
பள்ளிகூட புளிய மரத்தடியில் நான் சேர்ந்து விளையாடிய மதிய வேளை
கார்டூன் பார்த்து சாதம் உண்ட அந்த மாலை வேளை
எதிர் பார்த்து காத்து இருக்கிறது என் இதயம்

வெண்ணிலா தேர்

சாரதி இல்லாமல் சக்கரங்கள் இல்லாமல்
வான வீதியில் உலா வரும்
பால் நிலா

வான மங்கையின் நெற்றியை தேடி
சுழன்று கொண்டிருக்கும் பொன் நிலா

கதிரவனின் கரங்களில் இருந்து
ஒளியை பெற்று தன்னை
புதுப்பித்து கொள்ளும் வெள்ளி நிலா

மேக திரள்களில் ஒளிந்து விளையாடும்
பிள்ளை நிலா

வேங்கையின் மைந்தன்

சமீபத்தில் இந்த புத்தகத்தை படிக்கும் வாய்ப்பு கிடைத்தது.இதன் ஆசிரியர் அகிலன் இந்த நாவலுக்காக 1963-ம் ஆண்டு சாகித்திய அகாடமி விருது பெற்று உள்ளார் .இந்த புத்தகம் படிக்கும் ஒவ்வோர் மனத்திலும் நான் தமிழன் என்பதில் பெருமை பட வைக்கிறது. சோழர்கள் என்றால் நம் நினைவுக்கு வருவது தஞ்சை பெரிய கோயில் ,ஆனால் இந்த புத்தகத்தில் கங்கை கொண்ட சோழபுரம் பற்றிய பல அறிய குறிப்புகளை நாம் காணலாம். பொன்னியின் செல்வன் படித்த அனைவரது மனதிலும் பதிந்த வந்தியத்தேவன் இதிலும் வலம் வருகிறார் .இலங்கையின் இயற்கை வளத்தை பற்றி நாவலில் சொல்லி இருப்பது அருமை .வீரத்துடன் விவேகமும் சேர்ந்தால் தான் வெற்றி என்பதை கதையின் ஆரம்பத்திலே நம் மனதில் பதிய வைத்து விடுகிறார் ஆசிரியர் .தெளிவான முடிவு இல்லாததால் ஏற்படும் விளைவுகளை சுட்டி காட்டியுள்ளார்

ஆழ பதிந்தவை

பொருட்களை பயன்படுத்துங்கள்
அன்பு செய்யாதீர்கள்
மனிதர்களை அன்பு செய்யுங்கள்
பயன்படுத்தாதீர்கள்

அன்னை

என்னை பார்க்காமலே பேசாமலே

நேசித்த முதல் உயிர்